Det endar 0-0. For ein sensasjon! Spania skapte mest, utan å kome opp på sitt vanlege nivå - men Vozinha og Co. stod imot. Følg med på vg.no utover kvelden for reaksjonar frå kampen. Takk for følget enn så lenge!

Oyarazabal får hovudet på den. Men går til side for mål.

Trillar ball utanfor Kapp Verde sin 16-meter.

Og så kjem Spania. Kanskje det siste som skjer her i dag.

Kapp Verde kjem på ein ny overgang. Svak avslutning til side for mål.

Yamal avsluttar. Går i eigen medspelar.

Borges blokkerer brukbar Spania-sjanse. Ny corner.

For ein kamp vi har her no. Men kvar skal dette ende? Det er lagt til fem minutt.

Endar i ei avslutning frå Pina. Via Olmo og til corner.

Og så kjem Kapp Verde på kontraen her...

I likheit med Yamal har Williams vore skadeplaga den siste tida. Men kan han få til noko på tampen her?

Det har han kanskje. For no kjem eit nytt interessant byte.

Har De la Fuente fleire ess i ermet på tampen er no?

Vi minner om at Spania tapte opningskampen mot Sveits i 2010, men likevel vann heile VM. Likevel skal Kapp Verde 2026 vere svakare enn Sveits 2010. Eller?

Spania trudde dei hadde sikra seg ein corner, men VAR omgjorde den til utspel.

Spania pressar og pressar. Men dei har ikkje klart å skape dei heilt store sjansane, slik dei gjorde i slutten av 1. omgang.

No står Spania-spelarane i kø for å avslutte. Pedri tek sjansen, men forsøket blir blokkert.

Bytet som mange venta på.

Torres med avslutning frå 16 meter. Blir blokkert.

Stort Spania-press no. Men tida jobbar for Kapp Verde.

Yamal på farta ute på høgresida. Endar i ei avslutning frå Llorente som Vozinha tek enkelt.

Yamal inn på bana til høg applaus. Kan han hindre at Spania går på ei skikkeleg blemme her?

Vozinha får etter litt om og men hendene på den. Og så går vi til drikkepause igjen.

Spania slit med presisjonen. No er det neppe lenge til det kjem nokre byte frå De la Fuente?

Trippelbytte på Kapp Verde, altså. Og Yamal er i oppvarming for Spania.

De Graza prøver seg med eit raid på høgresida, men går seg fast. Kapp Verde sin sjølvtillit ser ut til å stige.

Corneren blir tatt kjapt og fører ikkje til noko i første omgang.

Bølga går i Atlanta. Ikkje nødvendigvis eit bra teikn.

Laporte prøver seg på eit langskot frå 30 meter. Går ein meter over krysset.

Ferran Torres med eit halvskummelt innlegg frå høgre, men Vozinha plukkar den fint.

Får vi snart sjå denne mannen på bana?

Spania prøver seg på høgresida, men Vozinha plukkar ballen enkelt ned.

Fabian Ruiz med svak avslutning høgt over mål.

Kapp Verde med eit sjeldant angrep, men igjen blir dei vinka av for offside.

Oyarzarabal med ny svak heading utanfor mål. Har ikkje hatt dagen i dag til no, Spania-spissen.

2. omgang startar som den første. Spania har ballen i laget mot eit lågtliggande Kapp Verde.

Så er vi straks i gang igjen. Kapp Verde har ein XG (forventa mål) på 0,04. Men kan dei likevel få til noko i 2. omgang?

Denne mannen hadde ein strålande 1. omgang. 40 år gamle Vozinha har halde Kapp Verde inne i kampen.

Pause i Atlanta. Ganske overraskande står det 0-0. Lenge var dette ein kjedeleg kamp der Spania hadde ballen, utan å skape noko. Men inn mot pause kunne og burde Spania ha tatt leiinga. Vi noterte tre gode sjansar, inkludert ein dobbeltsjanse frå det 40. minutt og inn. Vi ser fram til ein spennande 2. omgang.

Redninga til Vozinha etter 40 minutt.

Llorente med innlegg frå høgre. Oyarzabal får hovudet på den, men går ufarleg til side for mål.

Den fører ikkje til noko som helst.

Sidney Cabral igjen på farten ute på venstresida. Men endar i eit innlegg utanfor mål.

Og så får Kapp Verde ein kontringssjanse. Spania vinn derimot tilbake ballen ganske kjapt.

Jovane Cabral testar skotfoten frå skrått venstre. Går to meter over målet til Simon.

Rodri med eit slapt touch og mistar ballen til Kapp Verde, som ikkje klarer å utnytten missen. Det oppsummerer vel kampen til no greitt.

Ferran Torres med ei røff takling på Sidney Cabral, men får ikkje gult kort.

Ferran Torres finn Oyarzabal i god posisjon, men klarer ikkje å stokke føtene i rett rekkefølge og får dermed aldri avslutta.

Cucurella finn Gavi i god posisjon, men avslutninga blir blokkert.

Mendes og Moreira med nokre frekke trekk ute på Kapp Verde si høgreside. Endar til slutt med eit innlegg, som Spania enkelt ryddar unna.

Drikkepausa er over og vi er i gang igjen.

Då er det drikkepause (sjølv om det er beskjedne 22 gradar i Atlanta). Veldig lite å melde frå dei første 22 minutta. Spania har hatt ballen stort sett heile vegen, utan at dei har klart å skape ein einaste kvalifisert målsjanse.

Så klarer Kapp Verde endeleg å bygge opp eit angrep på Kapp Verdes halvdel. Men endar med at det blir vinka for offiside.

Spania har ikkje vist VM-gull-takter til no. Men så er vi berre 22 minutt ut i turneringa for deira del.

Cubarsi testar skotfoten frå distanse. Går via medspelar Fabian Ruiz og ut. Svakt forsøk.

Pedri med laus avslutning midt på mål.

Og så får Simon kjenne på ballen for første gong i dag. Plukkar eit altfor langt Kapp Verde-innlegg.

Så får Kapp Verde endeleg kvile litt med ballen i føtene. Men dei slit framleis med å spele seg over midtstreken.

Farleg innlegg frå Pedri. Oyarzabal får nesten hovudet på den. Kunne blitt farleg.

Endar med at Kapp Verde får ein kontringssjanse, som dei rotar vekk ganske fort.

Og så slår Cabral ein frekk tunnel på Pedri, men får ikkje frispark i neste situasjon.

Spelet føregår framleis på Kapp Verde sin halvdel, utan at Spania har klart å skape noko til no.

Pedri vinn ballen nesten nede ved dødlinja, men det endar i eit slags innlegg som Vozinha plukkar enkelt.

Kapp Verde klarer eit par trekk i laget her og der, men har ikkje makta å spele seg over midtstreken.

Ferran Torres på farta på høgrekanten, men endar med utspel til Kapp Verde (etter at dommaren først dømte corner, men VAR omgjorde avgjerda).

Som forventa har Spania ballen og trillar den mellom seg mot eit lågtliggande Kapp Verde-lag. Slikt får vi nok sjå mykje av i dag.

Då er vi i gang. Kapp Verde i kvitt tek avspark i VM-debuten.

Fansen er klare og spelarane er klare. Då er det klart for nasjonalsongane.

Vi gjer oss klare til kampstart. Ifølgje TV 2 er det 22 gradar på stadion i Atlanta.

Neco Williams er også ein skadeplaga mann som kanskje eller kanskje ikkje får eit innhopp i dag.

Denne VM-pokalen er neppe ekte. Uansett er det kanskje ein siger i seg sjølv for Kapp Verde å kome til VM.

Yamal i oppvarming. Skal han få eit innhopp i dag? Eller blir han spart til tøffare kampar?

Mykje snakk om Raya. Kan han vere VMs beste reservekeeper?

- Eg trur Kapp Verde er ein sterkare nasjon enn Curaçao. Kapp Verde tok seg til VM på beskostning av Kamerun, seier Joacim Jonsson. Han forventar likevel at Spania vinn med store siffer.

- Spania har det beste laget og den beste troppen i VM. I dag er det berre ein storsiger som er godkjent, seier Petter Veland i VG si før kampen-sending: https://www.vg.no/spesial/2026/fotball-vm/?pinnedEntry=79027&pinnedEntry=79027

Det har vore mykje snakk om gamle spelarar i årets VM. Då vi også ta med at Kapp Verde-keeper Vozinha fylte 40 år 3. juni. Han blir mildt sagt viktig for øynasjonen i dag.

Også Real Madrid-klare Cucurella og Spania begynner å nærme seg klare.

Det nærmar seg kampstart og Kapp Verde-fansen er klare til lagets VM-debut.

Då Spania tok sin einaste VM-tittel i 2010 vart det 1-0-tap mot Sveits i første kamp. Men noko liknande skjer vel ikkje i dag?

Både Yamal og Williams er oppført på Spania sin fryktinngytande benk, men det betyr ikkje det same som at dei er klare for å spele. Men det er nok av gull på Spania-benken. Olmo, Merino, Zubimendi, Eric Garcia og mange fleire som er langt meir kjende enn alle på Kapp Verde.

Kapp Verde stiller slik: Vozinha - Diney Borges, Pico Lopes, Sidny Lopes Cabral, Steven Moreira - Kevin Pina, Jovane Cabral, Jamiro Monteiro, Laros Duarte - Dailon Livramento, Ryan Mendes.

Då er lagoppstillingane offentlege. Spania stiller som forventa slik: Unai Simón, Marcos Llorente, Cubarsí, Laporte, Cucurella, Rodri, Pedri, Fabián, Gavi, Oyarzabal og Ferran.

Dette er dei mestscorande spelarane til Spania i VM-historia. Om det blir målkalas i kveld blir det kanskje forandringar på den lista?

David Villa – 9

Fernando Morientes – 5

Emilio Butragueno – 5

Raul – 5

Fernando Hierro – 5

Ifølgje spanske Marca startar Spania slik: Unai Simón, Marcos Llorente, Cubarsí, Laporte, Cucurella, Rodri, Pedri, Fabián, Gavi, Oyarzabal og Ferran. Vi reknar med lagoppstillinga blir offisiell om kort tid.

Kva treng vi elles å vite om Kapp Verde? Dei er den neste minste nasjonen i VM med litt over 500.000 innbyggarar, og dei var ein portugisisk koloni fram til 1975. Kapp Verde har faktisk brukt Linkedin til å rekruttere spelarar. Det kan du høyre meir om i Fotballpodden: https://podcasts.apple.com/no/podcast/48-lag-i-vm-hva-har-du-p%C3%A5-kapp-verde/id1764909740?i=1000764005122&l=nb

Dette er Kapp Verde sin største profil. Ryan Mendes står med 98 kampar for Kapp Verde. Den 36 år gamle vingen spelar for Iğdır F.K i tyrkisk fotball.

Spania har sjølvsagt verdsstjerner over heile linja. Kapp Verde er ikkje like kjendistungt. Logan Costa spelar for Villareal, men fekk berre to kampar sesongar som var. Sidny Lopes Cabral er ein av sju Kapp Verde-spelarar som spelar i portugisisk fotball, men fekk berre sju seriekampar for Benfica. Tre av dei sju i portugisisk fotball held rett nok til på nivå to.

Spania ligg på andreplass på Fifa-rankinga. VM-debuten Kapp Verde, som faktisk ikkje klarte å kvalifisere seg for vinterens Afrikameisterskap, ligg på 67. plass. I VM-kvaliken hadde Kapp Verde det eldste laget av alle, med eit snittalder på nesten 31 år.

Kampen blir spelt på Atalanta Stadium og blir dømt av Adham Makhadmeh frå Jordan.

Det er ikkje venta at Lamine Yamal og Nico Williams startar for Spania i dag. Yamal har ikkje vore på bana sidan 22. april, då han scora i La Liga-oppgjeret mot Celta Vigo. Neco Williams spelte sist mot Valencia 10. mai.

Hei. Og velkomen til vår dekning av Spania - Kapp Verde. Dette er den første kampen i gruppe H i VM. Uruguay og Saudi-Arabia møtest i natt.